27 фев 10:31
Новости

"Реал" - "Севилья" учрашувидаги ҳакамда лицензия бўлмаган экан! Энди нима бўлади?

Собиқ ҳакам Хавьер Эстрада Фернандеснинг маълум қилишича, "Реал" - "Севилья" учрашуви қайтадан ўтказилиши мумкин.

Испания Ла Лигасининг 26-турида "Қироллик клуби" 1:0 ҳисобида ғалабага эришган, учрашув бош ҳаками иккинчи бўлимда олган жароҳати туфайли алмаштирилган эди. Исидро Диас де Мера ўрнига майдонга захира ҳаками Карлос Фернандес Буэрга тушди.

Собиқ ҳакам Твиттердаги саҳифасида ёзишича, захирадан майдонга тушган ҳакамда ВАР тизими бор ўйинларда ишлаш учун лицензия бўлмаган.

"Энди яна битта савол пайдо бўлади. Ўйинда ўзини яхши кўрсатган ҳакамда ВАР тизими бор баҳсларда иштирок этиш сертификати бўлмаса ҳам баҳсларни бошқаришига имкон берадими. "Севилья" ўйинни қайтадан ўтказишни сўраши мумкинми?" - деб ёзди Эстрада Фернандес.