26 июл 12:42
Новости

"Реал" Винисиусни сотмоқчи

Мадриднинг "Реал" клуби раҳбарияти келаси йил бразилиялик 25 ёшли ҳужумчи Винисиус Жуниорни сотиш вариантини кўриб чиқмоқда, деб хабар бермоқда Defensa Central.

Манбага кўра, "қаймоқранглилар" 2027 йилнинг июнида якунланадиган шартномани узайтириш борасида форвард билан келиша олмаяпти. Винисиус унинг маошини Килиан Мбаппенинг даромадлари даражасигача оширишни талаб қилмоқда, клуб эса бундай шартларга рози бўлишга тайёр эмас.

Агар музокаралар муваффақиятсиз якунланса, "Қироллик клуби" бразилияликни 2026 йилдан кечиктирмай сотиб юборишга ҳаракат қилади. 2025 йилнинг ёзида клублар ўртасидаги жаҳон чемпионатида Винисиус 6 та ўйинда майдонга тушиб, битта гол ва битта голли узатмани амалга оширди.