07 дек 18:03
Новости

Бокс/ММА

"Рейтинглардаги рақамларга тупурдим" Дана Уайт Царукян ҳақида кескин фикр билдирди

UFC раҳбари Дана Уайт ташкилотнинг енгил вазн рейтингида биринчи ўринда бораётган россиялик Арман Царукяннинг фаолиятидаги вазият ҳақида гапирди.

"Мен уни "ўйиндан чиққан" деб атамаган бўлардим. Унинг имконияти бор эди. Ва буларнинг барчаси нима билан тугаганини биласиз (гап Царукян Ислам Махачев билан чемпионлик жангидан бир неча кун олдин сафдан чиққани ҳақида - таҳририят). Энди у яна бу ҳуқуқни қўлга киритиши керак, Арман яна камар йўлидаги курашга қайтиши лозим. Рейтинглардаги рақамларга эса шунчаки тупураман", - деди Уайт UFC 323 турниридан кейин ўтказилган матбуот анжуманида.

Кўпчилик Арманнинг яқинда Дэн Хукер устидан қозонган ғалабасидан сўнг чемпионлик имкониятини қўлга киритишини кутган эди, аммо бундай бўлмади. Илия Топурия фаолиятида танаффус олгани учун энди вақтинчалик чемпионлик камарига Пэдди Пимблетт ва Жастин Гэтжи ўзаро жанг ўтказади.