17 мая 16:49
Новости

Теннис

Рим WTA 1000 турнири жуфтлик баҳсларида финалчилар маълум

Италия пойтахти Рим шаҳри мезбонлик қилаётган нуфузли WTA 1000 тоифаси кирувчи турнирнинг жуфтлик баҳсарида финалчилар аниқланди.

Россиялик Вероника Кудерметова бельгиялик дугонаси Элизе Мертенс билан ҳамкорликда австралиялик теннис маликалари Сторм Хантер ва Эллен Перес жуфтлигини ортиқча қийинчиликсиз икки сетда ҳам бир хил ҳисобда мағлуб этишди - 6/2, 6/2.

Теннисчилар кортда 72 дақиқа мобайнида ҳаракат қилишган. Тўрт нафар теннисчилар ҳеч бири бу баҳсда эйс зарбасини ижро эта олмаган. Улар бугун мусобақа бош соврини учун италиялик теннисчилар Сара Эррани ва Жасмине Паолини тандемига қарши кортга чиқишади.