08 июн 21:31
Новости

Теннис

"Ролан Гаррос-2023". Аёллар ўртасидаги илк финалчи номи маълум бўлди

Франция пойтахти Парижда теннис бўйича "Катта Дубулға" таснифига кирувчи "Ролан Гаррос" мусобақаси давом этмоқда.

Бироз аввал аёллар ўртасидаги яккалик баҳсларининг навбатдагиси якунланди. Унда дунёнинг иккинчи ракеткаси, беларуслик Арина Соболенко ярим финал доирасида Чехия вакиласи Каролина Муховага қарши кортга чиқди. Ушбу баҳс уч соат-у, ўн етти дақиқа давом этди ва унда 7/6, 6/7, 7/5 ҳисобларида дунёнинг 43-ракеткаси Мухова ғалаба қозонган ҳолда финалга йўл олди.

21:45 да бошланувчи иккинчи ярим финалда Ига Свьёнтек бразилиялик Майя Хаддад билан баҳс юритади.