05 июн 10:08
Новости

Теннис

"Ролан Гаррос". Дунёнинг 361-ракеткаси тарих ёзишда давом этмоқда, у 1/2 финалда!

Париж шаҳрида ўтказилаётган "Ролан Гаррос" турнирининг аёллар ўртасидаги баҳсларида шов-шувли натижа қайд этилди.

WTA рейтигида 361-поғонада бораётган Лоис Буассон "Катта Дубулға" мусобақасининг ярим финал иштирокчисига айланди. Франциялик иқтидор эгаси 1/4 финалда дунёнинг олтинчи ракеткаси, россиялик Мирра Андреевани мағлуб этишни уддалади - 7/6(6), 6/3.

Бу теннис маликаларининг ўзаро ўтказган илк учрашуви эди. Икки соату 10 дақиқа давом этган баҳсда Буассон 3, Андреева 1 та эйс зарбасини амалга оширган. Қўшхатолар Миррада уч карра кўпроқ бўлди - 9 га 3. Брейклар бўйича устунлик эса табиийки, ғолиба томонида - 5 га 3!