02 июн 07:53
Новости

Теннис

"Ролан Гаррос". Дунёнинг биринчи ракеткаси 1/4 финалда

Франция пойтахти Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнирида 1/4 финалчилар аниқланмоқда.

Дунёнинг биринчи ракеткаси Арина Соболенко 1/8 финалда WTA рейтингида 16-поғонани эгаллаб турган америкалик Аманда Анисимовани 7/5, 6/3 ҳисобида мағлубиятга учратди. Арина теннисчиларнинг ўзаро учрашувларида ҳамон ортда қолмоқда - 3:5.

Тўқсон уч дақиқа давом этган баҳсда Соболенко 11, Анисимова 3 та эйс зарбасини амалга оширган. Қўшхатолар Амандада кўпроқ бўлди - 5 га 3. Энди беларуслик теннис маликаси ярим финал чиптаси учун хитойлик Чжэн Циньвэнга қарши кортга чиқади.