05 июн 20:50
Новости

Теннис

"Ролан Гаррос". Надаль - Рууд финал учрашуви бўлиб ўтди

Франция пойтахти Париж шаҳрида икки ҳафта давом этган "Катта Дубулға" туркумига кирувчи "Ролан Гаррос" турнири якунига етди.

Бироз аввал эркаклар ўртасидаги финал учрашуви якунланди. Дунёнинг бешинчи ракеткаси Рафаэль Надаль бош соврин учун ATP рейтингида 8-ўринни эгаллаб турган норвегиялик Каспер Руудга қарши кортга чиқди.

Икки соату 20 дақиқа давом этган баҳсда кутилганидек грунт қопламалар қироли, испаниялик теннис афсонаси 6/3, 6/3, 6/0 ҳисобида зафар қучиб, 14 карра "Ролан Гаррос" турнири ғолибига айланди.

36 ёшли Надаль 1 та эйс, 8 та брейк-пойнт 3 та қўшхато, 23 ёшли Рууд эса 2 та брейк, 2 та қўшхато қайд этди, эйс зарбани амалга ошира олмади. Бу теннисчиларнинг ўзаро ўтказган илк учрашуви эди.

French Open турниридаги муваффақиятли иштирок Надалга €2,200,000 евро мукофот пули ҳамда 2000 рейтинг очкосини тақдим этди.