07 июн 14:57
Новости

Теннис

"Ролан Гаррос" турнирининг микст баҳсларида ғолиблар аниқланди

Франция пойтахти Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнири якуни сария яқинлашмоқда.

Мусобақанинг микст, яъни аралаш жуфтлик баҳсларида ғолиблар маълум бўлди. Ҳал қилувчи финал учрашувида германиялик Лаура Зигемунд ва франциялик Эдуар Роже-Васслен жуфтлиги америкалик Дезайр Кравчик ҳамда юританиялик Нил Скупски ҳамкорлигини 6/4, 7/5 ҳисобида мағлуб этиб, "Ролан Гаррос" микст турнири чемпионига айланишди.

Бир юз бир дақиқа давом этган баҳсда Зигемунд/Роже-Васслен 2, Кравчик/Скупски 6 та эйс зарбасини амалга оширган. Брейклар табиийки, чемпионлар фойдасига бўлди - 4 га 2. Зигемунд учун бу микстда иккинчи "Катта Дубулға" (биринчи US Open-2016) чемпионлиги бўлди. Роже-Васслен эса фаолиятида илк бор бош совринга эга чиқди. Ғолиблар 122,000, вице-чемпионлар Кравчик ва Скупски 61,000 евро мукофот пулини ҳам қўлга киритишди.