01 дек 18:20
Новости

Теннис

Роналду ва Надаль Қатарда ресторан қуриш учун 1 миллион евро сармоя киритишди

«Катта Дубулға»нинг 22 карра чемпиони Рафаэль Надаль португалиялик машҳур футболчи Криштиану Роналду билан Қатарда ресторан қуришга сармоя киритди.

Бу ҳақда Mundo Deportivo нашри хабар бермоқда.

Қайд этилишича, футболчи ва теннисчи Испания, АҚШ ва Саудия Арабистонидаги бир нечта элита муассасаларига эгалик қилувчи Tatel Group компанияси билан ҳамкорлик қилмоқда. Роналду ва Надаль Қатар пойтахти Доҳа яқинида ресторан очиш учун тахминан 1 миллион евро сармоя киритишган. Муассаса Лусаилдаги нуфузли Ал-Маҳа оролида, Доҳадан 20 километр шимолда, халқаро овқатланиш ҳудудида жойлашган.

Эслатиб ўтамиз, Роналду айни дамда Португалия терма жамоаси билан Қатарда бўлиб ўтаётган ЖЧ-2022'да ўйнамоқда. Португалия терма жамоаси икки турдан сўнг плей-оффда иштирок этишини таъминлади.