Роналдуни ҳурмат қилишга чақиришди

Сўнгги пайтларда португалиялик форвард мунтазам равишда танқидларга учрамоқда, Португалия терма жамоаси эса кечагина жаҳон чемпионати билан хайрлашди.

“Криштиану тарихдаги энг буюк спортчилардан бири эканлиги ҳақидаги ҳақиқатни ҳеч ким инкор эта олмайди. Уни доимо ҳурмат қилиш керак. 16-17 йил чўққида бўлиш кўп нарсани фидо қилиш демакдир”, — деб ёзди Чалханоглу ижтимоий тармоқдаги саҳифасида.

Эслатиб ўтамиз, шанба куни Португалия терма жамоаси жаҳон чемпионати чорак финалида кутилмаганда Марокашга мағлуб бўлганди (0:1). Финал ҳуштагидан сўнг Криштиану Роналду кўз ёшларини тия олмади.