23 июн 12:16
Новости

Бокс/ММА

Россиялик аралаш яккакураш устаси Bellator чемпиони бўлди

Ирландия пойтахти Дублин шаҳрида навбатдаги Bellator турнири бўлиб ўтди.

Bellator Champions Series оқшоми доирасида яримўрта вазн тоифасида янги чемпион кашф этилди. Мағубият нималигини билмай келаётган россиялик Рамазан Курамагомедов эндиликда ямайкалик собиқ чемпион Жейсон Жексонни таслим этди. Беш раунд тўлиқ давом этган жангда уччала ҳакам ҳам 48-47 ҳисобидаги ғалабани Рамазанга берган.

Шу тариқа, Рамазан Курамагомедов ММАдаги 13-жангига келиб Bellator чемпионлик камарини қўлга киритди. Дублиндаги турнирда россияликлардан Ҳасан Магомедшарипов ва Касум Касумов ҳам зафар қучишди. Улар мос равишда Тайлер Мэтисон ва Матеус Маттосдан очколар ҳисобига кўра устун келишган.