"Россиялик Ронда" UFC промоушенида дебют қилади

Ниҳоят, UFC Иринага промоушендаги дебют жангини белгилади. Алексеева 29 апрель куни АҚШнинг Невада штати Лас-Вегас шаҳрида ўтказиладиган UFC Fight Night 223 турнири доирасида швейцариялик Стефани Эггерга қарши октагонга кўтарилади.

Маълумот учун, "Россиялик Ронда" номи билан танилган 32 ёшли Ирина Алексеева ММАда 5 та жанг ўтказган бўлиб, 4 ғалаба ва 1 мағлубият қайд этган. Сўнгги жангини у 2021 йилнинг октябрь ойида Москвада ўтган Bellator 269 турнирида Стефани Лило Пейжга қарши ўтказиб, очколар ҳисобига кўра ғалаба қозонган эди.

Швейцариялик 34 ёшли Стефани Эггер эса ўтган йилнинг сентябрь ойида Айлин Пересни иккинчи раундда бўғиш усули билан мағлубиятга учратганди. UFC Fight Night 223 турнирининг марказий жанги енгил вазн тоифасида россиялик Арман Царукян ҳамда бразилиялик Ренато Мойкано ўртасида бўлиб ўтади.