16 апр 13:17
Новости

Теннис

Рублёв иккинчи бор Monte-Carlo Masters финалида ўйнайди

Теннис бўйича Монте-Карло "Мастерс" турнири ўзининг ҳал қилувчи палласига кирди.

Дунёнинг олтинчи ракеткаси бўлиб турган россиялик Андрей Рублёв ярим финалда ATP рейтингида роппа-роса 10-ўринни эгаллаб турган америкалик Тэйлор Фритцни 5/7, 6/1, 6/3 ҳисобида мағлубиятга учратди.

Андрей теннисчиларнинг ўзаро учрашувларидаги ҳисобни минимал даражада қисқартиришга муваффақ бўлди - 3:4. Икки соату 6 дақиқа давом этган баҳсда Рублёв 2, Фритц 5 та эйс зарбасини амалга оширган. Ёмғир сабаб учрашув 2 соатга тўхтатилди.

Маълумот учун, Андрей Рублёв фаолиятида иккинчи бор Монте-Карло "Мастерс" турнири финалига йўл олди. 2021 йилги финал баҳсида у грециялик Стефанос Циципасга ютқазиб қўйганди.