Рублёв Монреал "Мастерс" финалида Попиринга ютқазиб қўйди

Мусобақа бош соврини учун кечган финал учрашувида дунёнинг олтинчи ракеткаси бўлиб турган россиялик Андрей Рублёв ATP рейтингида 30-поғонадан жой олган австралиялик Алексей Попиринга имкониятни бой бериб қўйди - 2/6, 4/6. Алексей теннисчиларнинг ўзаро учрашувлари ҳисобида олдинга чиқиб олди - 2:1.  

Тўқсон дақиқа давом этган баҳсда Рублёв 4, Попирин 10 та эйс зарбасини амалга оширган. Қўшхатолар 5 га 3 кўринишида Андрей, брейклар эса 4 га 1 нисбатида Алексей фойдасига ҳал бўлди. 

Omnium Banque Nationale турниридаги муваффақиятли иштирок Попиринга 1000 рейтинг очкоси ҳамда 1 миллион 49 минг 460 АҚШ доллари миқдоридаги мукофот пулини келтирди. Рублёв эса 573,090 доллар ва 650 очко ишлаб олди.