16 сен 17:15
Новости
Бокс/ММА
Руслан Абдуллаевнинг рақиби ўзгарди. Ҳамюртимиз энди Фазлиддин Ғоибназаровнинг собиқ рақиби билан тўқнаш келади
Аввалроқ, ўзбекистонлик профессионал боксчи, супер енгил вазн тоифасида фаолият олиб бораётган Руслан Абдуллаевнинг навбатдаги жанги эълон қилингани ҳақида хабар бергандик.
23 яшар чарм қўлқоп устаси 20 сентябрь куни АҚШнинг Калифорния штати, Индио шаҳридаги Fantasy Springs Resort Casino мажмуасида ўтказиладиган проф бокс оқшоми доирасида венесуэлалик 34 ёшли Гримарди Мачукага қарши жанг қилиши айтилганди.
Бироқ хорижий ОАВларнинг, хусусан, boxrec интернет порталининг маълум қилишича, Руслан ўша куни америкалик Кевин Жонсон билан жанг қилади. Жонсон 32 ёшда бўлиб, ҳозирга қадар 19 та жанг ўтказиб, 12 та ғалаба ва 7 та мағлубиятни ўз ҳисобига ёздирган. У карьерасидаги илк мағлубиятини 2018 йил июль ойида ҳамюртимиз Фазлиддин Ғоибназаровдан қабул қилиб олган.
Ҳаваскор боксда жаҳон чемпиони ҳисобланувчи Руслан Абдуллаев эса проф боксда ҳозирча 2 та жанг ўтказиб, ҳар иккисида ғалаба қозонган.
Ссылка :
Источник : olamsport.com
Комментарии