01 апр 09:12
Новости

Бокс/ММА

Саидёқуб Қаҳрамонов қисқа вақт ичида навбатдаги жангини эълон қилди. Кейинги рақиб — UFC собиқ жангчиси!

Энг енгил вазн тоифасида фаолият олиб борувчи ўзбекистонлик ММА жангчиси Саидёқуб Қаҳрамонов кейинги беллашуви ҳақида маълумот берди.

29 ёшли ҳамюртимиз Тошкент вақти билан 18 май тонгида АҚШнинг Мичиган штати, Флинт шаҳрида ташкил этиладиган WXC 97 (Warrior Xtreme Cagefighting) турнирида октагонга кўтарилади. Бу ҳақда Саидёқубнинг ўзи X (Twitter) саҳифаси орқали хабар берди.

Унга ўша куни америкалик UFC собиқ жангчиси Хосе Жонсон рақиб бўлади. Бу Жонсон учун UFC'ни тарк этдагидан кейинги илк жанг бўлади.

Саидёқуб 28 март куни бир йиллик танаффусдан кейин ММА бўйича жангда иштирок этиб, XFC 52 турнири доирасида бразилиялик Бруно Сантосни мағлуб этганди. Самарқандлик спортчи 2021-2022 йиллар давомида UFC'да 3 та жанг ўтказиб, 2 ғалаба ва 1 мағлубият қайд этган. Унинг умумий рекорди 12 ғалаба ва 3 та мағлубиятдан иборат.

Қаҳрамонов билан тенгдош Хосе Жонсон эса UFC'да 2023-2025 йиллар оралиғида 4 та жанг ўтказиб, 1 та ғалаба ва 3 та мағлубиятни ўз ҳисобига ёздирган. Проф фаолиятини 2016 йилда бошлаган спортчи ҳозирга қадар умумий 16 та ғалаба ва 10 та мағлубиятни қайд этган.

Ссылка :

Источник : x.com/SaidYokubMMA

Рейтинг: