13 дек 18:38
Новости

Бокс/ММА

Саидёқуб Қаҳрамоновнинг навбатдаги жанги санаси ва манзили маълум. Жанг ММА қоидалари асосида ўтказилмайди

Теги : Саидёқуб Қаҳрамонов Karate Combat

16 декабрь тонгида Лас-Вегасда (АҚШ) Karate Combat 43 мусобақаси ўтказилади.

Каратэ қоидалари асосида ўтказиладиган турнирнинг марказий жангида 36 ёшли UFC собиқ жангчиси Энтони Петтис яна бир собиқ UFC вакили Бенсон Ҳендерсон билан жанг қилади.

Аҳамиятлиси, мусобақа доирасида ўзбекистонлик UFC собиқ жангчиси Саидёқуб Қаҳрамонов ҳам жанг қилади. Бу ҳақда Саидёқуб Twitter'даги саҳифаси орқали хабар берди.

"Ишга тайёрман. Жума оқшомида каратэ бўйича дебют жанг бўлади", - деб ёзди Қаҳрамонов.

Ҳозирча ҳамюртимизга ким рақиблик қилиши аниқ эмас.

Эслатиб ўтамиз, ҳамюртимиз сўнгги жангини 2023 йилнинг май ойида XMMA 6 турнирида бразилиялик Рафаэль Костага қарши ўтказиб, илк раунддаёқ ғалаба қозонган эди. Қаҳрамонов 2021-2022 йилларда UFC доирасида 3 та жанг ўтказган ва уларнинг 2 тасида ғалаба қозонган, яна бир жангда мағлуб бўлган.

Ссылка :

Источник : twitter.com/SaidYokubMMA

Рейтинг: