14 июн 05:56
Новости

Дзюдо

Самарқандда Улан-Батор "Катта Дубулға" турнирига тайёргарликнинг якуний босқичи бошланди + ФОТОГАЛЕРЕЯ

24-26 июнь кунлари Мўғулистон пойтахти Улан-Батор шаҳрида "Катта Дубулға" туркумига кирувчи нуфузли турнир бўлиб ўтади.

Мусобақада ҳозирча 5 қитъанинг 29 давлатидан жами 274 (166 эркак, 108 аёл) нафар дзюдочи иштирок этиш истагини билдирган. Улар орасида ўзбекистонлик дзюдочилар ҳам турнир медаллари ҳамда муҳим рейтинг очколари учун татамига чиқадилар.

Илиас Илиадис бош мураббийлигидаги терма жамоамиз Самарқанд шаҳрида ўқув-машғулот йиғинини ўтказяпти. Ушбу йиғин Улан-Батор турнирида қатнашувчи дзюдочиларимиз учун тайёргарликнинг якуний босқич вазифасини ўтаб бермоқда.

Машғулотларда жароҳат сабаб бир нечта турнирларни ўтказиб юборган Ҳикматуллоҳ Тўраев, Муҳаммадкарим Ҳуррамовларни кўриш мумкин.