07 мар 14:50
Новости
Бокс/ММА
Санжар Зокиров эртага октагонга чиқади. У рақиби билан юзма-юз келди (ВИДЕО)
Эртага Таиланднинг Бангкок шаҳрида ММА, грэпплинг ва муай-тай бўйича ONE Fight Night 29 турнири ташкил этилади.
Биз учун аҳамиятлиси, мусобақада ўзбекистонлик ёш ММА жангчиси Санжар Зокиров ҳам ўзининг навбатдаги жангини ўтказади.
Lumpinee Boxing Stadium мажмуасида ташкил этиладиган турнир доирасида Зокировга Индонезия вакили Эко Рони Сапутра рақиб бўлади. Жанг ММА қоидалари бўйича 3 раунд этиб белгиланган. Жанг Тошкент вақти билан эртага соат 6:00 дан сўнг бошланиши кутилмоқда.
Маълумот ўрнида, 21 ёшли Санжар проф фаолияти давомида ҳозирга қадар 11 та жанг ўтказиб, уларнинг барчасида рақибларидан устун келган. Аралаш яккакураш устамиз ҳозирда ONE FC'нинг минимал вазн тоифаси рейтингида бешинчи ўринни эгаллаб турибди.
Таққослаш учун, 33 ёшли Эко Рони Сапутра ҳисобида 7 ғалаба ва 3 мағлубият бор.
Ссылка :
Источник : olamsport.com
Комментарии