17 фев 08:12
Новости

Бокс/ММА

Саралаш жангида Теофимо Лопеснинг рақиби аниқланди

Буюк Британиянинг Манчестер шаҳрида профессионал бокс кечаси ташкил этилди.

Оқшом доирасидаги қизиқарли жангларнинг бирида биринчи яримўрта вазн тоифаси WBO чемпионлик камари учун мажбурий даъвогар аниқланди. Унда америкалик 33 ёшли Арнольд Барбоса британиялик Жек Кэттеролга қарши рингга кўтарилди.

Ўн икки раунд тўлиқ давом этган жангда ҳакамларнинг икки нафари 115-113 ҳисобида Барбосага ғалабани тақдим этди. Учинчи ҳакам худди шу ҳисоб билан Кэттеролга устунлик берди.

Шу тариқа, Арнольд Барбоса амалдаги WBO чемпиони Теофимо Лопеснинг камарига расмий даъвогарга айланди. 31 ёшли Кэттерол жангдан кейин мағлубиятини тан олиб, чемпионлик баҳсида Барбосага омад тилади.