20 апр 00:01
Новости

Бокс/ММА

Сардор Худойбердиев қирғизистонлик рақибини муддатидан олдин енгиб, Octagon League чемпионига айланди!

Қозоғистоннинг Олма-Ота шаҳрида давом этаётган ММА бўйича Octagon 71 турнирининг иккинчи асосий жанги якунланди.

Унда ўзбекистонлик аралаш якка кураш устаси Сардор Худойбердиев Қирғизистон вакили Арген Абдикадир Уулуга қарши баҳс олиб борди.

Жанг ярим енгил вазн тоифасидаги вакант бўлиб турган чемпионлик камари учун ташкил этилди.

5 раундлик чемпионлик жанги бешинчи раундда муддатидан олдин якунига етди. Ҳамюртимиз рақибини бўғиш усули орқали мағлубиятга учратиб, Лиганинг янги чемпионига айланди.

Таъкидлаш жоиз, бу 31 ёшли Сардорнинг фаолиятидаги 12-жанги эди. Энди унинг ҳисобида 9 та ғалаба ва 3 та мағлубият мавжуд.

Арген Абдикадир Уулу эса бугун 11-жангидаги 2-мағлубиятини қабул қилиб олди.