06 мая 16:22
Новости

Бокс/ММА

Сауль "Канело" Альварес Жон Райдер тарозига чиқди

Иккинчи ўрта вазн тоифасида мутлақ жаҳон чемпиони Сауль "Канело" Альварес ҳамда унинг WBO камарига мажбурий даъвогар Жон Райдер эртанги жанг олдидан тарозидан муваффақиятли ўтиб олишди.

Ушбу тадбир Альвареснинг она ватани Мексиканинг Гвадалахара шаҳрида бўлиб ўтади. "Қирол уйига қайтмоқда" шиори остида ўтадиган проф бокс кечасининг марказий жанг иштирокчилари белгиланган вазн меъёрини бажаришди.

32 ёшли Сауль Альварес 75,98 кг, британиялик 34 ёшли Райдер эса 76,20 кг вазн қайд этган. Канело 12 йиллик танаффусдан сўнг илк бор ўз ватандошлари кўз ўнгида рингга кўтарилади.

Яна бир қизиқарли жанг енгил вазн тоифасида мексикалик WBC чемпиони Хулио Сезар Мартинес ҳамда унинг камарига даъвогар Ронал Батиста ўртасида бўлиб ўтади. Иккала боксчи ҳам бир хил вазн кўрсатди - 50,80 кг.

Яримоғир вазн тоифасида собиқ жаҳон чемпиони Александр Гвоздик Ричард Болотник билан тўқнаш келади. Иккала боксчининг ҳам вазни бир хил экани ойдинлашди - 79,29 кг.