Сегундадан Ла Лигага йўл олган илк жамоа маълум

Сегунданинг 41-турида “Леванте“ “Бургос“ни мағлуб этди ва биринчи бўлиб Ла Лига йўлланмасини қўлга киритди.

Валенсияликлар 41 та баҳсдан сўнг 76 очко тўплаган ҳолда турнир жадвалини бошқариб бормоқда. Мусобақа якунига бир тур қолганида жамоа иккинчи ўриндан пастга тушиб кетмаслиги аниқ бўлди.

Эслатиб ўтамиз, иккинчи лиганинг кучли икки жамоаси мавсум якунида тўғридан-тўғри Ла Лига йўлланмасини қўлга киритади. Айни вақтда “Элче” 74 очко билан иккинчи ўринда бормоқда. Охирги йўлланма учун учинчи ўриндан олтинчи ўрингача бўлган жамоалар ўртасидаги мини-турнир ташкил этилади.