25 окт 15:04
Новости

Теннис

Серена Уильямс Астурийск маликаси - 2025 мукофотини қўлга киритди

"Катта Дубулға" турнирларининг 23 карра чемпиони Серена Уильямс спорт соҳасида Астурийск маликаси - 2025 мукофотига эга чиқди.

Тантанали маросим Испаниянинг Овьедо шаҳрида бўлиб ўтди. Тадбирда Испания қироли Филипп VI ва Испания қироллик оиласи аъзолари иштирок этди.

Уильямсга фахрий мукофот берилиши баҳордаёқ маълум бўлганди. Ўшанда тегишли қарорни етти карра Паралимпия чемпиони Тереза Пералес бошчилигидаги ҳакамлар ҳайъати қабул қилган эди.

Ушбу нуфузли мукофот ҳаётнинг турли соҳаларидаги хизматлари учун тақдим этиб келинмоқда. Шу кунгача енгил атлетикачилар Елена Исинбаева ва Себастян Коу, тоғ чанғичиси Линдси Вонн, "Формула 1" пойгачиси Михаэл Шумахер, футбол бўйича Бразилия терма жамоаси ҳамда теннисчи Рафаэль Надаль мукофотни қўлга киритган эди.