Сергей Фомин 1/2 финалнинг учинчи геймида "йўқ" бўлиб қолди

М15 тоифасига кирувчи ушбу мусобақада ҳамюртимиз Сергей Фомин ҳам муваффақиятли одимлаётган эди. Афсуски, турнирда биринчи рақам остида таснифланган вакилимиз бироз аввал якунига етган 1/2 финал баҳсида мағлубиятга учради. 

Теннисчимиз 2 соату 23 дақиқа давом этган учрашувда германиялик Адриан Отцбахга уч сет натижасига кўра ютқазиб қўйди - 6/2, 3/6, 0/6. Фомин ҳал қилувчи учинчи сетда турнирда тўртинчи рақам остида ҳаракат қилаётган олмон рақибига умуман қаршилик кўрсатмади.  

Таққослаш учун, Фомин ATP рейтингида 461, Адриан 680-поғонадан жой олган. Энди Сергей бор эътиборини ушбу турнирнинг жуфтлик баҳсларига қаратади. У бугун финалда жуфтликдаги ҳамкори билан бош соврин учун кортга чиқади.