06 ноя 07:02
Новости

Теннис

Сергей Фомин Баҳрайн турниридаги юришини бошлади

Баҳрайн пойтахти Манама шаҳрида теннис бўйича М15 тоифасига кирувчи турнир давом этмоқда.

Ўтган ҳафта Хитойдаги турнирда чемпион бўлган ҳамюртимиз Сергей Фомин энди Ғарбий Осиёни забт этишга киришди. Мамлакатимизнинг иккинчи ракеткаси 1/16 финалда руминиялик Владислав Мелникни қийинчилик билан мағлубиятга учратди - 7/6(5), 6/4.

Таққослаш учун, Фомин ATP рейтингида 460, Мелник 2147-поғонадан жой олган. Турнирда иккинчи рақам остида таснифланган Фомин 1/8 финалда россиялик 18 ёшли Тимофей Дерепаскога қарши кортга чиқади. Рейтингнинг 865-поғонасида бораётган Дерепаско илк даврада германиялик Кирин Веберни янчиб ташлади - 6/0, 6/0.