12 июл 07:42
Новости

Теннис

Сергей Фомин биринчи ракеткага қарши уч сетлик ўйин ўтказди

Германиянинг Кессель шаҳрида ўтказилаётган теннис бўйича М25 тоифасига кирувчи турнир ўз якуни сари яқинлашмоқда.

Мусобақада Сергей Фомин ҳам ўз омадини синаб кўраётганди. Мамлакатимизнинг иккинчи ракеткаси 1/8 финалда италиялик Яннис Милетич устидан иродали ғалабага эришганди - 2/6, 6/3, 6/4.

Афсуски, ҳамюртимиз 1/4 финалда турнирнинг биринчи ракеткаси, испаниялик Карлос Санчесга имкониятни бой бериб қўйди. Икки соату 24 дақиқа давом этган уч сетлик баҳсда Фомин 6/3, 3/6, 4/6 ҳисобларида ютқазди.

Таққослаш учун, Фомин ATP рейтингида 442, Санчес 273-поғонадан жой олган. Бу теннисчиларнинг ўзаро иккинчи учрашуви бўлди. Икки йил олдин Туркиядаги турнирда ҳам Санчес уч сет натижасига кўра зафар қучганди.