02 ноя 08:30
Новости

Теннис

Сергей Фомин Цяньдаоху турнири чемпиони!

Ҳозиргина Хитойнинг Цяньдаоху шаҳрида теннис бўйича ITF M25 тоифасига кирувчи турнир ўз якунига етди.

Қувонарлиси, мусобақа бош соврини ҳамюртимиз Сергей Фоминга насиб қилди. Мамлакатимизнинг иккинчи ракеткаси ҳал қилувчи финал учрашувида нейтрал мақомдаги асли беларуслик теннисчи Микалай Халякни ортиқча қийинчиликсиз мағлубиятга учратди. Бир соату 22 дақиқа давом этган финал баҳсида Фомин 6/2, 6/1 ҳисобида зафар қучди.

Турнирда тўртинчи рақам остида таснифланган Фомин 1/2 финалда мусобақанинг биринчи ракеткасини шов-шувли тарзда мағлуб этганди. Сергей айни дамда ATP рейтингида 463, 27 ёшли Халяк эса 863-ўринни эгаллаб турибди. Бу теннисчиларнинг ўзаро ўтказган илк учрашуви бўлди.