03 июл 13:49
Новости

Теннис

Сергей Фомин Марбургда муваффақиятли старт олди

Германиянинг Марбург шаҳрида теннис бўйича М25 тоифасига кирувчи турнир бўлиб ўтмоқда.

Унда мамлакатимизнинг иккинчи ракеткаси Сергей Фомин ҳам иштирок этяпти. Ҳамюртимиз илк даврада германиялик Том Сиккенбергерга қарши кортга чиқиб, ортиқча қийинчиликсиз ғалаба қозонди - 6/3, 6/1.

Таққослаш учун, Фомин айни пайтда дунёнинг 442-ракеткаси бўлиб турибди. Унинг рақиби Том эса ҳали ATP рейтингига киритилмаган. Бугун теннисчимиз 1/8 финалда турнирнинг иккинчи ракеткаси, швейцариялик Реми Бертолага қарши баҳс олиб боради. Бертола ATP рейтингида 314-поғонадан жой олган бўлиб, биринчи босқичда мезбонлар вакили Лассе Портнердан 1/6, 6/3, 6/3 ҳисобида устун келган.