04 апр 20:10
Новости
Теннис
Сергей Фоминдан навбатдаги ғалаба. Ҳамюртимиз M25 турнири ярим финалида
Хабар берганимиздек, шу кунларда Анталия шаҳрида (Туркия) теннис бўйича М25 тоифасига кирувчи навбатдаги турнир ўтказилмоқда.
Турнирда Ўзбекистоннинг иккинчи рақамли ракетка устаси Сергей Фомин ҳам иштирок этмоқда.
У бугун мусобақанинг чорак финал босқичи доирасида кортга чиқди. Нейтрал мақомдаги теннисчи Алексей Ватутинга қарши кечган 2 соат, 29 дақиқадан иборат уч сетлик беллашувда Сергей 7/6, 0/6, 6/4 ҳисобида зафар қучди.
Таққослаш учун, айни дамда Фомин ATP рейтингида 555, Ватутин эса 342-ўринни банд этиб турибди.
Энди ҳамюртимиз мусобақа финали йўлида Чехия вакили Мартин Крумич (ATP-509) билан тўқнаш келади. Ўйин эртага 12:00 да бошланиши режалаштирилган.
Ссылка :
Источник : olamsport.com
Комментарии