23 сен 11:47
Новости

Бокс/ММА

Сергей Ковалёв Жейк Пол - Жервонта Дэвис жангини цирк деб атади

Яримоғир вазнда собиқ жаҳон чемпиони Сергей Ковалёв Жейк Полнинг енгил вазн тоифасида жаҳон чемпиони Жервонта Дэвисга қарши бўлажак кўргазмали жангини цирк деб атади, лекин томоша қилишини ҳам тан олди.

Қизиғи, Ковалёвнинг ўзи ҳам шу йил ёзда америкалик блогер ва боксчи Жейк Полга қарши жанг ўтказиш истагини билдирганди.

"Бу энди цирк. Икки хил боксчи, икки хил услуб, икки хил вазн тоифаси. Бу ақлсизлик", - деди Ковалев Seconds Out нашрига берган интервьюсида. - Мен бу жангга ҳурматсизлик билан қарайман. Аммо йигитлар уни ўтказишга тайёр бўлса, ҳеч қандай муаммо йўқ. Майли, жанг қилишсин. Бу жангни томоша қилиш қизиқ бўлади. Дэвис Жейк Полни нокаутга учрата оладими? Пол - катта йигит, Жервонта - кичик. Бу худди фил итга қарши тургандек гап. Ўйлашимча, Жервонта манзилига ета олмайди, аммо жанг кўрсатади", - дея сўзларига якун ясади россиялик собиқ жаҳон чемпиони.