27 янв 17:00
Новости
Бокс/ММА
Шаҳрам Ғиёсов Эннис – Станионис тўқнашуви ғолиби билан иккита камар учун жанг қилади
WBA йўналишида ярим ўрта вазн тоифасида мажбурий даъвогар бўлган Шаҳрам Ғиёсов WBA чемпиони Эймантас Станионис ва IBF чемпиони Жейрон Эннис ўртасида 12 апрель куни бўлиб ўтадиган бирлаштирувчи жангга розилик берди.
У бу розиликни, кейинчалик ушбу жанг ғолиби ўзи билан рингга чиқиши шарти эвазига берган.
The Ring нашри WBA қарорини шундай келтиради:
«WBA ярим ўрта вазн чемпиони Эймантас Станионисга 12 апрель куни Атлантик-Ситида IBF чемпиони Жейрон Эннисга қарши бирлаштирувчи жанг ўтказиш учун махсус рухсатнома берди. WBA қоидаларига мувофиқ, Станионис жамоаси ушбу жанг бўйича мажбурий даъвогар Шаҳрам Ғиёсовга мурожаат қилди ва у бу жангнинг ўтказилишига розилик берди».
WBA қоидалари ва қарорига кўра, Станионис ва Эннис ўртасидаги жанг ғолиби 120 кун ичида Ғиёсовга қарши жанг ўтказиши шарт.
Шунингдек, The Ring нашрининг хабар беришича, Шаҳрам Ғиёсов ҳам 12 апрель куни Атлантик-Ситида ўтказиладиган ушбу бокс кечасида жанг қилади.
Ссылка :
Источник : Worldofboxing
Комментарии