09 июн 07:44
Новости

Бокс/ММА

Шаҳрам Ғиёсовнинг жанги Ўзбекистонда намойиш этиладими?

18 июнь тонгида Америка Қўшма Штатларининг Нью-Орлеан шаҳрида жойлашган Smoothie King Center аренасида профессионал бокс кечаси ташкил этилади.

Мазкур оқшомнинг co main event жангида ярим ўрта вазн тоифасидаги ўзбекистонлик боксчи Шаҳрам Ғиёсов (13-0) рингга кўтарилади. Ҳамюртимизга америкалик Ҳарольд Кальдерон (27-0) рақиблик қилади. 12 раундга мўлжалланган мазкур WBA Eliminator жанги Ўзбекистон ҳудудида қайси телеканал томонидан трансляция қилиниши маълум бўлди.

Унга кўра, боксчимиз иштирокидаги жанг трансляцияси ҳуқуқуи ZO'R TV телеканали томонидан қўлга киритилган.

Эслатиб ўтамиз, бокс оқшомининг марказий жанги америкалик Рейджис Прогрейс (28-1-0) ҳамда Перу вакили Даниелито Зоррилла (17-1-0) ўртасида кечади. Жанг биринчи ярим ўрта вазнда WBC чемпионлик камари учун бўлиб ўтади.