24 сен 09:44
Новости

Бокс/ММА

Шакур Стивенсон ғалаба қозонди, иккита камар вакант қолди

Бугун АҚШда профессионал бокс оқшоми ташкил этилди.

Кечанинг марказий жангида иккинчи ярим енгил вазн тоифаси чемпиони Шакур Стивенсон бразилиялик Робсон Консейсаога қарши рингга кўтарилди.

12 раунд давом этган жангда Шакур 117:109, 118:108, 117:109 ҳисобларида ғалаба қозонди.

Қайд этиш лозимки, бир кун олдин ўтказилган вазн ўлчаш маросимида Шакур Стивенсон вазн меъёрини бажара олмагани учун ўзига тегишли бўлган WBC ва WBO камарларидан айрилганди. Бугун у ғалаба қозонди. Эндиликда ушбу камарлар вакант ҳисобланади.

Қайд этиш лозимки, Робсон Консейсао Рио Олимпиадаси чемпиони ҳисобланади. У Олимпиада чорак финалида ҳамюртимиз Ҳуршид Тожибоевни мағлубиятга учратганди.