12 окт 17:26
Новости

Теннис

Шанхай "Мастерс". Новак Жокович кутилмаганда 204-ракеткага ютқазиб қўйди

Хитойнинг Шанхай шаҳрида ўтказилаётган теннис бўйича "Мастерс" сериясига кирувчи нуфузли турнирда финалчилар аниқланди.

Кутилмаганда дунёнинг бешинчи ракеткаси Новак Жокович 1/2 финалда мусобақа кашфиётига айланган, ATP рейтингида 204-поғонада бораётган монаколик Валентен Вашерога ютқазиб қўйди. 101 дақиқа давом этган баҳсда Новак 3/6, 4/6 ҳисобида имкониятни бой берди.

Бу теннисчиларнинг ўзаро ўтказган илк учрашуви бўлди. Жокович 5, Вашеро 6 та эйс зарбасини амалга оширди. Қўшхатолар Новакда кўпроқ бўлди - 5 га 4. Брейклар бўйича эса Валентен устунликка эришди - 3 га 1.

Вашеро фаолиятида илк бор рейтингда Топ-10`таликда бораётган теннисчини мағлуб этди. У "Мастерс" турнирлари тарихида финалга чиққан энг рейтинги паст теннисчига ҳам айланди.