05 фев 11:40
Новости

Бокс/ММА

Шара Буллетга БААда жанг қилиш тақиқлангани айтилмоқда

Ўрта вазн тоифасидаги россиялик UFC жангчиси Шарабутдин Магомедовнинг энди Бирлашган Араб Амирликларидаги мусобақаларда жанг қила олмаслиги ҳақида хабарлар тарқалмоқда.

Бунга спортчининг кўзидаги жароҳати сабаб бўлган.

"Khaleej Times" нашрининг хабар беришича, Шара Буллет амирлик шифокорларининг талабига кўра, миянинг жиддий шикастланишига олиб келиши мумкин бўлган кўриш билан боғлиқ муаммолари туфайли мамлакатдаги турнирларда қатнаша олмайди. Спортчига яқин манбалар бу хабарларни рад этмоқда.

Маълумот учун, 30 ёшли Магомедов фаолияти давомида ҳозиргача 16 та жанг ўтказиб, 15 ғалаба ва 1 мағлубият қайд этган. У сўнгги жангини 1 февраль куни англиялик Майкл Пейжга қарши ўтказиб, илк мағлубиятини қабул қилиб олганди.