24 мар 11:28
Новости
Легкая атлетика
Шарифа Давронова Жаҳон чемпионатида қандай натижа қайд этди?
21-23 март кунлари Хитойнинг Нанкинг шаҳридаги "Sports Training Center" мажмуасида енгил атлетика бўйича ёпиқ иншоотлардаги Жаҳон чемпионати бўлиб ўтди.
Унда Ўзбекистон терма жамоаси вакиласи Шарифа Давронова уч хатлаб сакраш дастурида иштирок этди. 22 март куни бўлиб ўтган финал босқичида 10 та мамлакатнинг 13 нафар спортчиси ғолиблик учун кураш олиб борди.
Якунда Кубанинг икки вакиласи энг юқори натижани қайд этди. Эрнандес Перес Леянис 14.93 м натижа билан олтин медални қўлга киритиш билан бирга Жаҳон рекордини ўрнатди. Унинг ҳамюрти Повеа Лидагмис 14.57 метр масофага сакраб, ўзининг мавсумдаги энг яхши натижасини кўрсатди ва ЖЧнинг кумуш медалини қўлга киритди. Бронза медали испаниялик Ана Пелетеиро Кампаорега насиб этди (14.29).
18 ёшли Шарифа Давронова эса 13.44 м натижа билан ёпиқ иншоотлардаги Жаҳон чемпионатини 13 иштирокчи орасида 12-ўринда якунлади.
Ссылка :
Источник : olamsport.com
Комментарии