06 авг 17:48
Новости

Шерзод Насруллаевнинг Польша клубига трансфери амалга ошмай қолди. Нега?

Ўзбекистон терма жамоаси ва "Насаф" клуби ҳимоячиси Шерзод Насруллаев ёзда легионерга айланиши мумкин эди.

Championat.asia сайти маълумотига кўра, Польшанинг "Висла Плоцк" клуби Насруллаевни "Насаф"дан сотиб олишга тайёр эди. Футболчининг шартномаси йил охирида якунига етади ва "аждарлар" бу трансфердан маълум миқдорда пул ишлаб олиши мумкин эди.

Бироқ "Висла" шартномани 31 июль куни Қаршига юборди. Хабарингиз бор, Ўзбекистонда трансфер ойнаси 30 июль куни тунда ёпилди ва "Насаф" Насруллаевни сотиб, унинг ўрнига бошқа ҳимоячи оломасди. Шу боис, мазкур трансфер амалга ошмай қолди.

Айни пайтда "Висла" Польша олий лигасида 3 та турнинг барчасида ғалаба қозониб, мусобақа жадвалида якка пешқадам бўлиб турибди.