18 ноя 14:35
Новости

Бокс/ММА

Шифохонага тушиб қолган Валуев вазиятга ойдинлик киритди

Супероғир вазн тоифасида собиқ жаҳон чемпиони Николай Валуев шифохонага тушиб қолганди.

Россиялик 49 ёшли депутат ўзининг ижтимоий тармоқдаги саҳифаларига вазиятга ойдинлик киритиб мақсадида пост жойлади. Аввалроқ унинг Москвадаги госпиталларнинг бирига жойлаштирилгани ҳақида хабар берилганди.

"Соғлиғим ҳақида қайғуриб, шифо тилаганларнинг катта раҳмат. Ҳаммаси жойида. Ишлаяпмиз. Эртага "Биринчи канал"да бокс кечасини шарҳлашим керак. "Биринчи"да кўришгунча", — дея барчани тинчлантирган Валуев.

Эслатиб ўтамиз, ҳамюртимиз Руслан Чагаев гавда жиҳатидан ўзига деярли иккита келадиган Николай Валуевни мағлубиятга учратиб, WBA чемпионлик камарини қўлга киритган эди. Ушбу камар 2005-2007, 2008-2009 йилларда айнан Валуевга тегишли бўлган.