01 июн 12:29
Новости

Теннис

Шин Фомин эплай олмаган ишни уддалади, у бугун бош соврин учун ўйнайди

Пойтахтимизда ўтказилаётган теннис бўйича M15 тоифасига кирувчи турнирнинг финал учрашуви соф ўзбекча бўлиши мумкин эди.

Мукофот жамғармаси 15 000 АҚШ долларидан иборат M15 Tashkent 2 турнирининг илк 1/2 финалида ҳамюртимиз Сергей Фомин ATP рейтингида 789-поғонани эгаллаб турган япониялик Рента Токудони 3/6, 6/3, 3/6 ҳисобида имкониятни бой бериб қўйди.

Иккинчи ярим финалда тўртинчи ракеткамиз Максим Шин рейтингда ўзидан роппа-роса 500 поғона юқорида бораётган италиялик Лоренцо Лоруссони мағлуб этишни уддалади. Икки соату беш дақиқа давом этган учрашувда Шин 7/6(5), 7/5 ҳисобида ғалаба қозонди.

Таққослаш учун, Максим Шин айни пайтда ATP рейтингида 1737, унинг италиялик рақиби эса 1237-поғонадан жой олган. Бугун Максим Шин ва Рена Токудо ўртасидаги финал учрашуви соат 15:00да бошланади.