07 окт 14:55
Новости
Бокс/ММА
Шоҳасан Мирзаматов кечаги кутилмаган мағлубиятига изоҳ берди
Ўзбекистонлик ММА жангчиси Шоҳасан Мирзаматов кеча Қозоғистоннинг Олма-Ота шаҳрида ўтказилган Octagon 64 турнирида жанг қилди.
У бразилиялик Педро Фариасга қарши жангда жароҳат туфайли баҳсни охиригача давом эттира олмади ва унда Фариас очколар ҳисобига кўра ғолиб деб эълон қилинди.
Ҳамюртимиз ушбу ҳолатга қуйидагича изоҳ берди:
"Ҳаммага ассалому алайкум! Мени қўллаб-қувватлаб турган барчага катта раҳмат. Афсуски, бу сафар омадимиз келмади. Сабаби, биринчи раунднинг бошидаёқ бармоғим синди. Жангни ҳеч қанақасига давом эттира олмасдим. Яна бир бор барчага катта раҳмат!", деди Мирзаматов.
Бу Шоҳасан Мирзаматов учун фаолиятидаги тўртинчи мағлубият бўлди.
Ссылка :
Источник : olamsport.com
Комментарии