01 янв 10:48
Новости

Бокс/ММА

Шоҳасан Мирзаматов: "Мен сўзимда турдим"

Яримўрта вазн тоифасидаги аралаш яккакураш устамиз Шоҳасан Мирзаматов сўнгги жангидан кейинги фикрлари билан ўртоқлашди.

34 ёшли спортчи 29 декабрь куни Тошкентда ўтказилган Octagon 68 мусобақаси доирасида бразилиялик Педро Фариасни биринчи раунддаёқ нокаутга учратиб, рақибидан реванш олганди.

"Мен сўзимга жавоб бердим. Бразилияликни реванш жангида ухлатаман дегандим ва ухлатдим ҳам! Кейинги сенсан "Егорушка"! Февраль ойида сени ҳам муддатидан олдин мағлубиятга учратаман ва чемпионлик камарини Ўзбекистонга олиб келаман", деб ёзди Шоҳасан Мирзаматов.

Маълумот учун, Шоҳасан бу гаплари орқали Лиганинг яримўрта вазн тоифасидаги амалдаги чемпиони, қозоғистонлик Георгий Кичигинга мурожаат қилди.