29 янв 11:01
Новости

Бокс/ММА

Шоҳасан Мирзаматовнинг чемпионлик жанги тасдиқланди (ПОСТЕР)

Хабар берганимиздек, 23 февраль куни Қозоғистоннинг Олма-Ота шаҳри ММА бўйича Octagon 70 турнирига мезбон бўлади.

Olamsport.com аввал маълум қилганидек, турнирнинг марказий жанги ярим ўрта вазн тоифасидаги ўзбекистонлик аралаш якка кураш устаси Шоҳасан Мирзаматов ҳамда мазкур вазнда Лига чемпиони бўлиб турган Қозоғистон вакили Георгий Кичигин ўртасида кечади.

Икки спортчи аслида 2024 йил январь ойида учрашиши керак эди, бироқ Мирзаматовнинг вазн ўлчаш маросимидан ўта олмагани натижасида жанг бекор бўлганди.

Маълумот учун, Шоҳасан фаолияти давомида ҳозиргача 18 та жанг ўтказиб, 14 та ғалаба ва 4 та мағлубият қайд этган. Кичигиннинг ҳисобида эса 31 та ғалаба ва 10 та мағлубият бор.