31 дек 15:10
Новости

Бокс/ММА

Шоҳжаҳон Эргашев 2023 йилни сарҳисоб қилди

Чарм қўлқоп устамиз айнан якунига етиб бораётган йилда профессионал боксдаги илк мағлубиятини қабул қилиб олди.

Шоҳжаҳон Эргашев 26 ноябрь куни АҚШнинг Лас-Вегас шаҳридада ўтказилган жангда IBF йўналиши чемпиони Сабриель Матиасга имкониятни бой бериб қўйганди. Бу ҳамюртимизнинг 24 та жангдан иборат фаолиятидаги илк мағлубият эди.

"2023 йилни сарҳисоб қиладиган бўлсак, йил жуда оғир келди. Спорт фаолиятимда илк мағлубият бўлди. Ундан ташқари қаттиқ жароҳат олдим. Лекин ҳаммаси орта қолди. Келаси йил яхши бўлади деб умид қиламиз ва Аллоҳдан шуни сўраяпмиз. Ўзим ҳам шунга ҳаракат қиламан. Мени қўллаб-қувватлаган барчага раҳмат айтаман. Яқин инсонларим, оилам, ота-онам, ака-укаларга миннатдорлик билдираман. Ҳаммага 2024 йил омадли келсин", - деди Эргашев.