14 сен 15:06
Новости

Другие

Шовотлик ёзги биатлончилар тенгсиз + ФОТО

Урганч туманининг Чолиш қўрғонида жойлашган Хоразм вилояти Мудофаа ишлари бошқармаси ҳузуридаги чақирилувчиларни ҳарбий-техник мутахассислар бўйича тайёрлаш марказининг ўқув-машқ майдонида ёзги биатлон бўйича вилоят чемпионати бўлиб ўтди.

Ўзбекистон мудофаасига кўмаклашувчи “Ватанпарвар” ташкилоти Хоразм вилоят техник ва амалий спорт турлари маркази томонидан уюштирилган мусобақада спортчилар ёзги биатлон дастурига биноан югуриш ва мерганлик маҳоратини намойиш этишди.

Якуний натижаларга кўра, чемпионат шоҳсупаси қуйидагича кўриниш олди:

Қизлар. 1-ўрин. Зуҳра Рўзимова (Шовот тумани ЎСТК). 2-ўрин. Гулнора Абдуллаева (Шовот тумани ЎСТК). 3-ўрин. Меҳринисо Отажонова (Урганч шаҳар ЎСТК).

Ўғил болалар. 1-ўрин. Мирфозил Ёқуббоев (Шовот тумани ЎСТК). 2-ўрин. Сарварбек Яқубов (Урганч шаҳар АСТМУК). 3-ўрин.Исроил Сапарбоев (Боғот тумани ЎСТК).

Умумжамоа ҳисобида Шовот тумани ўқув спорт техника клуби ёзги биатлончилари зафар қучишди. Урганч шаҳар автомобиль спорт техника мактаби унитар корхонаси жамоаси иккинчи ўринни эгаллади. Учинчи ўриндан Боғот тумани ўқув спорт техника клуби вакиллари жой олишди.