15 июл 19:04
Новости

Теннис

Синнер 12 000 рейтинг очкоси жамғарган бешинчи теннисчи бўлди

Дунёнинг биринчи ракеткаси Янник Синнер икки кун олдин Лондонда якунланган "Катта Дубулға" туркумига кирувчи Уимблдон турнири чемпионига айланганди.

Италиялик теннисчи қўлга киритилган 2000 рейтинг очкоси эвазига рейтинг балларини 12 000 тадан ошириб олишга муваффақ бўлди. Бу билан италиялик ракетка устаси ATP-турда 12 000 ва ундан кўп рейтинг очкосига эга тарихдаги бешинчи теннисчига айланди. Айни пайтда Янник ҳисобида 12 030 рейтинг очкоси бор.

Унинг энг яқин таъқибчиси испаниялик Карлос Алькарас пешқадамдан 3000 очкодан сал кўпроқ (испаниялик ҳисобида 8600 балл бор) ортда қолмоқда. Янник Синнергача 12 000 лик довонни швейцариялик Рожер Федерер, сербиялик Новак Жокович, испаниялик Рафаэль Надаль ва британиялик Энди Маррей забт этганди.