02 сен 08:48
Новости

Бокс/ММА

Сирил Ган - Таи Туиваса жанги даъвогарни аниқлаб беради

Оғир вазн тоифасидаги Сирил Ган ва Таи Туиваса жанги 3 сентябрь куни Париж шаҳрида ўтказиладиган UFC Fight Night 209 турнирининг марказий тўқнашуви бўлади.

Бу ҳақда Лас-Вегасда ўтган матбуот анжуманида UFC президенти Дана Уайт хабар берди. Шу билан бирга ушбу жуфтлик баҳси чемпионлик камари учун расмий даъвогар мақомида ҳам бўлади.

"Ҳа, айнан шундай. Ким ғалаба қозонса, ўзи учун чемпионлик жангини нақд қилиб қўяди. Мен битта жанг ўтмасидан туриб, иккинчисини белгиламайман. Қолаверса, чемпион Нганну ҳали жароҳатидан фориғ бўлмади. Аммо, ҳар қандай ҳолатда ҳам Ган - Туиваса жанги даъвогарни аниқлаб беради", - деди Уайт.

Эслатиб ўтамиз, айни пайтда Сирил Ган ва Таи Туиваса мос равишда UFC оғир вазнлилар рейтингида биринчи ҳамда учинчи ўринларни эгаллаб турибди.