03 янв 11:13
Новости

Бокс/ММА

Собиқ UFC чемпиони Брэндон Моренонинг навбатдаги рақиби ва жанг санаси маълум бўлди. Жиддий синов!

Ўта енгил вазн тоифасида собиқ UFC чемпиони, мексикалик Брэндон Морено (21-7-2)нинг навбатдаги жанги тафсилотлари маълум бўлди.

30 ёшли Морено ўзининг кейинги жангини 25 февраль куни ўз юрти, Мексикада ташкил этилаётган UFC Fight Night турнири доирасида ўтказади. Унга ироқлик Амир Албази (17-1-0) рақиблик қилади.

Даъвогарлар жанги 5 раунд этиб белгиланган. Бундан ташқари, мазкур жанг мусобақанинг асосий воқейлиги бўлади.

Эслатиб ўтамиз, Брэндон Морено ўзининг сўнгги жангини 2023 йил июль ойида бразилиялик Алехандре Пантойяга қарши ўтказиб, мағлуб бўлган ва камаридан айрилган эди. Амир Албази эса охирги жангини 2023 йил июнь ойида Кай Кара-Франсга қарши ўтказиб, очколар ҳисобига кўра ғалаба қозонган эди.