Собиқ UFC жангчиси 50 йилгача қамоқ жазосига ҳукм қилиниши мумкин

46 ёшли собиқ аралаш яккакураш устаси Фил Барони (16-19) Тепиc (Мексика) шаҳридаги штат қамоқхонасига олиб кетилди. Журналист Карлос Контрерас Легаспи ижтимоий тармоқдаги саҳифасида хабар беришича, унинг иши бўйича суд мажлиси 9 январь куни бошланади.

Эслатиб ўтамиз, январь ойи бошида Барони ўз севгилисини ўлдиришда айбланиб ҳибсга олинган эди. Қиз меҳмонхонада ўлик ҳолда топилган ва Филнинг ўзи полиция бўлимига борган. Полиция ҳисоботида айтилишича, Барони спиртли ичимликлар ва гиёҳванд моддалар таъсирида бўлган.

Собиқ жангчи 30 йилдан 50 йилгача озодликдан маҳрум этилиши мумкин. Фил Барони UFC, Pride, Bellator, Оne FC ва бошқа бир қанча промоушенларда жанг қилган.